Čatyry Šlachietnyja Praŭdy, Vaśmiorkavaja Ściežka, Ukazańni Ŭsioviedajučaha
15-08-2013, 10:42. Apublikavaŭ: Vučań Abudžanaha
Čatyry Šlachietnyja Praŭdy
"Heta, o mnichi, Šlachietnaja Praŭda ab Ciarpieńni:
Narodziny heta ciarpieńnie (pakuta, niezadavalnieńnie, stres), stareńnie heta ciarpieńnie, śmierć heta ciarpieńnie; rospač, narakańnie, bol i napružańnie heta ciarpieńnie; paviazańnie ź niepažadanym heta ciarpieńnie; rasstańnie z pažadanym heta ciarpieńnie; nie dasiahnieńnie pažadanaha heta ciarpieńnie. Karotka - piać zasiarodžańniaŭ isnavańnia źviazanych z pryviazańniem heta ciarpieńnie."
"Heta, mnichi, Šlachietnaja Praŭda ab Pryčynie Ciarpieńnia:
Žadańnie, jakoje stvaraje dalejšaje stanaŭleńnie (pieranaradžeńnie) - jakoje supravadžaje zapał i zachapleńnie, što znachodzić radaść to tut, to tam - žadańnie pačućciovaje pryjemnaści, žadańnie stanaŭleńnia, žadańnie samaźniščeńnia."
"Heta, mnichi, Šlachietnaja Praŭda ab Spynieńni Ciarpieńnia:
Poŭnaje źniknieńnie i spynieńnie, admova, pakidańnie, vyzvaleńnie, adpuskańnie žadańnia."
"Heta, mnichi, jość Šlachietnaja Praŭda ab sposabie praktyki, jaki viadzie da zhasańnia ciarpieńnia:
Dakładna hetaja Šlachietnaja Vaśmiorkavaja Ściežka - słušny (naležny, adpaviedny, ułaścivy, praŭdzivy, pravilny) pohlad, słušnaje rašeńnie, słušnaja mova, słušnaje dziejańnie, słušny žyvot (žyćcio), słušnaje imknieńnie, słušnaje zasiarodžańnie, słušnaja miedytacyja."
"Hetyja Čatyry Šlachietnyja Praŭdy, o mnichi, jość rečaisnyja, dakładnyja, nia inšyja. Tamu taksama zavucca Šlachietnymi Praŭdami".
"Navošta paznajomiŭ (z Čatyrma Šlachietnymi Praŭdami)? Bo jość karysnyja, składajuć padstavu śviatoha žyvata, pravodziać da Vyzvaleńnia, da spakoju, źniščeńnia (ciarpieńnia), da niepasrednych viedaŭ, da Aśviatleńnia, da Nirvany. Voś dla čaho paznajomiŭ ź imi."
Buda "ŭpraviŭ u ruch Koła Dharmy [Navuki, Praŭdy]". Piać Askietaŭ (piać pieršych vučniaŭ i paśladoŭnikaŭ Abudžanaha) ŭšanoŭvajuć Koła Dcharmy.
Čatyry Šlachietnyja Praŭdy heta padstava Navuki Abudžanaha. Paŭstali ŭ vyniku daśviedčańnia Sidchartcham Haŭtamam Abudžeńnia.
Heta navuka abapirajecca na słovach Kazańnia ab Abaročańni ŭ Ruch Koła Dcharmy dla Piaci Askietaŭ u Parku Hazielaŭ u Sarnasie paśla Abudžeńnia Bodchisatvy.
Šlachietnaja Vaśmiorkavaja Ściežka
1. Słušny (naležny, adpaviedny, ułaścivy, praŭdzivy, pravilny) pohlad (razumieńnie) - zrazumieńnie Čatyroch Šlachietnych Praŭdaŭ, zrazumieńnie nieabchodnaści prybyvańnia ŭ miedytacyjnaj raŭnavazie, zrazumieńnie praviła pryčyny i nastupstva, zrazumieńnie nietryvałaści, praha vyzvaleńnia ŭsich istotaŭ ad ciarpieńnia. Pazbaŭleńnie pryviazańnia da cieła - usprymańnie ŭłasnaha cieła jak niečaha, što źjaŭlajecca krynicaj niečystotaŭ (mača, kroŭ, ślina, kał i h.d.)
2. Słušnaje myśleńnie (pastanaŭleńnie) - vykaranieńnie žadańnia i niezyčlivaści, pastanaŭleńnie admovy ad złoj voli j adstupleńnie ad vyklikańnia luboj kryŭdy
3. Słušnaje słova (mova) - ustrymańnie ad chłuśni i prynižeńnia, užyvańnie movy ŭ mecie pryniasieńnia karyści inšym
4. Słušny čyn (pavodziny) - prytrymlivańnie Piaci Ŭkazańniaŭ:
1) Abaviazvajusia prytrymlivacca zapaviedzi, ustrymlivacca ad adbirańnia žyćcia.
2) Abaviazvajusia prytrymlivacca zapaviedzi, ustrymlivacca ad brańnia taho, što nia dadziena.
3) Abaviazvajusia prytrymlivacca zapaviedzi, ustrymlivacca ad złoha seksualnaha čynu.
4) Abaviazvajusia prytrymlivacca zapaviedzi, ustrymlivacca ad nieadpaviednaj movy.
5) Abaviazvajusia prytrymlivacca zapaviedzi, ustrymlivacca ad spažyvańnia apjanialnych napojaŭ i narkotykaŭ, jakija pravodziać da nierazvažlivaści.
5. Słušnaje zarabkavańnie (sposab utrymańnia siabie pry žyćci) - utrymańnie siabie z zaniatku tym, što nie supiarečyć zapaviedziam: ustrymańnie ad zarabkavańnia, jakoje prynosić škodu inšym istotam, takoha jak: rybałoŭstva, handal zbrojaj, žyvymi istotami albo ich ciełami, ałkaholem i inšymi narkotykami, atrutaj, na bojni, u vajskovych strukturach, źviazanaha z chłuśnioj, zdradaj, pradkazańniem budučyni, ašukvańniem, vykarystańniem i h.d.
6. Słušnaje imknieńnie (vysiłak) - namiery j vysiłak, jakija nie dazvalajuć paŭstańnia złych, a spryjajuć paŭstańniu dobrych mientalnych ułaścivaściaŭ, imknieńnie da aśviety
7. Słušnaje (lohkaje, nie patrabuje vysiłkaŭ) zasiarodžańnie (uvažlivaść, prytomnaść) - brak dumak, jakija pieraškadžajuć - znachodžańnie prastory pamiž imi. Zachavańnie ŭvažlivaści va ŭsim, što pradprymlivajecca
8. Słušnaja miedytacyja (zasiarodžańnie, kancentracyja) - imknieńnie da dasiahnieńnia stanu, u jakim źnikaje "eha" (pačućcie asabovaha "ja")
Ukazańni Abudžanaha - zbor paradaŭ albo rekamiendacyjaŭ dla nieaśvietlenych asobaŭ, prytrymlivańnie jakich dazvalaje paźbiehnuć niehatyŭnaj kamy (nastupstvaŭ nieadpaviednych dziejańniaŭ). Zamiest słova "nakazy" albo "zapaviedzi" ŭžyvajecca słova "ŭkazańni", pakolki majuć jany charaktar dabravolnaha abaviazańnia. Buda kazaŭ, što dobra ich prytrymlivacca, adnak nikomu nia mohuć być naviazanyja.
Vosiem Ukazańniaŭ
1. Abaviazvajusia prytrymlivacca zapaviedzi, ustrymlivacca ad adbirańnia žyćcia.*
2. Abaviazvajusia prytrymlivacca zapaviedzi, ustrymlivacca ad brańnia taho, što nia dadziena.
3. Abaviazvajusia prytrymlivacca zapaviedzi, ustrymlivacca ad seksualnaj aktyŭnaści.
4. Abaviazvajusia prytrymlivacca zapaviedzi, ustrymlivacca ad nieadpaviednaj movy.
5. Abaviazvajusia prytrymlivacca zapaviedzi, ustrymlivacca ad spažyvańnia apjanialnych napojaŭ i narkotykaŭ, jakija pravodziać da nierazvažlivaści.
6. Abaviazvajusia prytrymlivacca zapaviedzi, ustrymlivacca ad pryniaćcia ježy ŭ nieadpaviednym časie (naležyć prymać pasiłak adzin raz na dzień da pałudnia).
7. Abaviazvajusia prytrymlivacca zapaviedzi, ustrymlivacca ad tancaŭ, śpievaŭ, muzyki, naviedvańnia zabaŭlalnych mierapryjemstvaŭ, našeńnia hirlandaŭ, vykarystańnia parfumaŭ i kaśmietyki dla ŭpryhožvańnia cieła.
8. Abaviazvajusia prytrymlivacca zapaviedzi, ustrymlivacca ad vykarystańnia vysokich albo vialikich (luksusovych) łožkaŭ.
*Ustrymańnie ad zabojstva (niepasrednaha) i ŭstrymańnie ad vyklikańnia zabojstva (pasrednaha) - Viehanstva, pakolki Ŭkazańni Budy datyčać kožnaj istoty, u tym liku ludziej, žyviołaŭ i raślinaŭ (z uvahi na raśliny najlepiej kaniešnie sadavinajadzieńnie albo niejadzieńnie).
U adlehłych časach isnavali tolki try chvaroby: žadańnie, hoład i sapsavańnie; ale z pryčyny zabojstvaŭ žyviołaŭ jany pavialičylisia da dzievianosta vaśmi. (Słovy Abudžanaha z Suty Nipaty, 311)
Usie dryžać, kali bačać uźniesieny kij.
Usie bajacca śmierci.
Bieručy samaho siabie za prykład,
Nie naležyć udarać inšych
ani vyklikać, kab byli bityja.
Usie dryžać, kali bačać uźniesieny kij.
Žyćcio doraha kožnamu.
Bieručy samaho siabie za prykład,
Nie naležyć udarać inšych
ani vyklikać, kab byli bityja. (Słovy Abudžanaha z Dchamapady, 129-130 vieršy)
Chto vyzvaliŭsia ad hvałtu ŭ stasunku da luboj žyvoj istoty, i słaboj, i mocnaj, chto ani nie zabivaje, ani nie vyklikaje zabićcia inšymi - taho zavu śviatym čałaviekam. (Słovy Abudžanaha z Dchamapady, 405 vierš)
Druhasnyja Ŭkazańni
Mnichi prytrymlivajucca dadatkova šerahu ŭkazańniaŭ, bolšaść ź jakich źjaŭlajecca raźvićciom albo pahłybleńniem Vaśmi Ŭkazańniaŭ. Treciaje Ŭkazańnie dla mnicha aznačaje navat nie datykańnie da žančyny. Mnichi vučacca šanavać žančynaŭ i traktavać starejšych jak matak, ravieśnicaŭ jak siostraŭ, dziaŭčynaŭ jak dačok. Akramia taho mnichi nie karystajucca hrašyma ("zołatam i srebram"), prytrymlivajucca šerahu praviłaŭ etyčnaha zachavańnia.
Da ciarpieńnia pravodzić taksama poźniaja para načnoha adpačynku.
- Ci vymaŭlaje aśvietleny słova, kali jano niepraŭdzivaje, zhubnaje i niepryjemnaje? - Nie.
- Ci vymaŭlaje aśvietleny słova, kali jano niepraŭdzivaje, zhubnaje i pryjemnaje? - Nie.
- Kali jano praŭdzivaje, zhubnaje i niepryjemnaje? - Nie.
- Kali jano praŭdzivaje, zhubnaje i pryjemnaje? - Nie.
- Kali jano praŭdzivaje, karysnaje i niepryjemnaje? - Tak.
- Kali jano praŭdzivaje, karysnaje i pryjemnaje? - Tak.
- Čamu Jon hetak robić? - Jon spačuvaje ŭsim istotam.
- Ci vymaŭlaje aśvietleny słova, kali jano niepraŭdzivaje, zhubnaje i pryjemnaje? - Nie.
- Kali jano praŭdzivaje, zhubnaje i niepryjemnaje? - Nie.
- Kali jano praŭdzivaje, zhubnaje i pryjemnaje? - Nie.
- Kali jano praŭdzivaje, karysnaje i niepryjemnaje? - Tak.
- Kali jano praŭdzivaje, karysnaje i pryjemnaje? - Tak.
- Čamu Jon hetak robić? - Jon spačuvaje ŭsim istotam.
Spampavać [attachment=52:catyry-slachietnyja-praudy-vasmiorkavaja-sciezka-ukazanni-usioviedajucaha.pdf]
Viarnucca nazad